Kitabxanam

Düzü bugün blogda yeni bir yazı paylaşmaq fikrim yox idi. Amma görünür ilin son günündə yazdığım bu yazı Şahbaz Xuduoğlunu bir az da yandıracaq! :D Deməli, bugün   Qanun “Google Translate” evinin (nəşriyyat evi deməyə dilim gəlmir) rəhbəri Şahbaz müəllim özünü hamıdan ağıllı sayaraq belə bir status paylaşmışdı:

Yeni ilin astanasında hamınızı xoş gördük, dostlar! Yəqin blogda etdiyim bir-iki dəyişikliyi də hiss etdiz =) Səhifənin üstündə sağdakı yeni il bəzəyi şəxsən mənim çoooox xoşuma gəldi :) Evimizi bəzəmişkən, blogumu bəzəməmək ayıb olardı :)

İnsan psixologiyasın sarsıdan bir film! Bu gün sizə bir neçə gün öncə baxdığım, amma heç vaxt unutmayacağım bir film haqqında yazmaq istəyirəm. Bəlkə də bir çoxlarınız bu filmə illər öncə baxıb, çünki film 2000-ci il istehsalıdır.  Baxmayanlar isə yazacaqlarımı oxuduqdan sonra məsləhət bilsə mütləq bu filmə baxsın. Məsləhət bilsəniz deyirəm, çünki bu filmə baxmaq üçün həm ən azı 18 yaşınız olmalıdır (18+), həm də güclü sinir sisteminə sahib olmalısınız. Film özü  1987-ci ildə   Hubert Selby Jr-in yazdığı eyni adlı roman əsasında səhnələşdirilib.

Növbəti yazımla yenə qarşınızdayam =) Son 3-4 ayda bloguma yetəri qədər zaman ayırmadığımdan görürəm ki, izləyicilərimin sayı da azalıb.   Artıq əvvəlki qədər rəylər ala bilmirəm sizdən. Yəqin bu həm də bir çoxumuzun başının dərslərə, imtahanlara qarışması ilə əlaqədardır.  Yeri gəlmişkən, yaxın zamanda imtahan verəcək bütün tələbələrə uğurlar arzulayıram. İnşallah bu sessiyanı da sağ-salamat başa vurarıq =)  

Salam, dostlar! Bügünkü yazım hərhalda kino həvəskarlarını daha çox sevindirəcək . Çünki bugün son zamanlarda baxdığım filmlər haqqında maraqlı bir yazı yazmaq istəyirəm. Bu filmlərin arasında məni ağladanı da oldu, güldürəni də...Çox təriflənilməsinə baxmayaraq heç sevmədiyim də oldu, hansı ki, sadəcə olaraq dəyərli vaxtımı məndən aldı :( Siz də filmə baxandan sonra "2 saatım boş-boşuna buna getdi?!" deməyəsiniz deyə film məsləhətlərimi təqdim edirəm :)

Avropanın, Amerikanın sevdiyi yazıçılardan biri, elə bəlkə də biricisi Nicholas Sparks . " The Notebook”, “The Lucky one”, “The Wedding”, “Dear John”,   “Message in a Bottle”, “A Walk To Remember”, “The Last Song” və s. yazıçının bestseller siyahısa daxil olmuş kitablarıdır.   Nicholas Sparksın çox geniş oxucu kütləsi var və onun kitabları bir çox dillərə tərcümə edilmişdir. Azərbaycan dilinə tərcümədə isə mən bildiyim qədəri ilə hələ heç bir kitabı yoxdur.

Ayşe Kulin.. Yəqin ki, bir çoxunuz bu adı eşitmisiniz. Bu xanım Türkiyənin məşhur yazarlarından biridir. O bu şöhrəti 1997-ci ildə yazdığı biyoqrafik roman olan   “Adı: Aylin”   kitabı ilə qazanmışdır. Məhz bu kitab sayəsində Ayşe Kulin elə həmin ili İstanbul kitab fuarı tərəfindən   “İlin yazıçısı”   nominasiyasında mükafatalandırılmışdır. Kulinin   yaradıcılığıyla tanışlığım isə   “Gizli anların Yolcusu” kitabı ilə oldu. Düzü kitabın nədən bəhs etdiyini bilmədən, Ali Ninoda 70% endirimli olduğuna görə almışdım =)

Həqiqətənmi məhəbbət bir sənətdir? Sevməyi məgər kitablardan öyrənə bilərikmi? Bugün sizə haqqında yazacağım kitabı məhz adı diqqətimi çəkdiyi üçün almışdım.   Adından da göründüyü kimi   s evmək nəzəriyyəsindən, sevməyin özünün də bir sənət olduğundan bəhs edən bu kitab məşhur alman filosofu və psixoloqu Erich Fromma məxsusdur.

Salam, sevgili kitabsevərlər! Bugün sizə bilmədiyimiz həyatları, yaşam tərzlərin bizə çatdıran bir kitab haqqında yazmaq istəyirəm. “Çöl Çiçeği” adlanan bu kitab 1998-ci ildə   Afrikalı bir xanım, Waris Dirie tərəfindən qələmə alınıb. Satışa çıxdığı ilk gündən Bestseller siyahısına daxil olan kitab təkcə Almaniyada 1 milyondan çox satılıb.

Salam,   dostlar. Bugün sizə satışa çıxmasını çoxdandır gözlədiyim bir kitab haqqında yazmaq istəyirəm. Böyük maraqla oxuduğum bu kitabın adı “Sürətli Oxu” dur! Kitabda göstərilən məşqlərdən istifadə edərək 1 saata bir kitabı oxuyub bitirə bilərsiz!

Salam, sevgili kitabsevərlər! Son 1 ayda işlərimin çoxluğundan  nə kitab oxuya, nədəki bloguma vaxt ayıra bilirəm. Amma inşallah oktyabrın 11-indən sonra işlərim yenə yüngülləşəcək və oxumaq üçün darıxdığım kitablarıma qovuşacam =) Bugün haqqında yazmaq istədiyim kitab   çoxlarınız eşitdiyi, dünyada 19 milyon nüsxədən çox satılmış, 45 dilə tərcümə edilmiş   “Sirr” kitabıdır.  

Salam, dostlar. İşlərimin çoxluğundan bu aralar bloga vaxt ayıra bilmirdim. Nəhayət bugün imkan edib yazımı yazmağa vaxt tapdım) Deməli  bugünkü yazım nə bir kitab, nə də maraqlı bir film haqqında olacaq  =) Bugünkü yazım mənim həyatımla bağlıdır. Bu yazını sizin üçün yox, özüm üçün yazıram... İllər keçəndən sonra bugün yazdıqlarım mənə doğrudan da çox maraqlı gələcək çünki =)   Ona görə də əgər sizi sırf elmi bir şey maraqlandırırsa, bundan sonrasını oxumamağınızı məsləhət görərdim :)

Axşamınız xeyir, dostlar! Bildiyiniz kimi bugün saat 23:00-da "Haruki Murakaminin Norveç meşəsi kitabını Sən Qazan!” adlı layihəmizə qeydiyyat sona çatdı və mən indi cavabları sizə açıqlamalıyam. Amma əvvəlcə istəyirəm bir az ürəyinizi çəkim =)  Deməli İyul ayında Elif Şafkaın "Aşk" kitabını qazanmaq üçün 19 nəfər kitabsevər iştirak etsə də, sentyabr ayımızın hədiyyə kitabı olan Haruki Murakaminin "Norveç Meşəsi" kitabını qazanmaq üçün 34 iştirakçı qeydiyyatdan keçdi.  

Salam, dostlar. Bugünkü yazım bütün Facebook istifadəçilərini narahat edən bir məsələ haqqındadır! Bildiyiniz kimi son zamanlarda Facebookda spam mesajlar ve reklamlar hər kəsi bezdirib.  İstəmədiyimiz halda bəzi məhsulların reklamı dostlarımızın profilində, idarəçisi olduğumuz səhifələrdə yayımlanaraq insanları narahat edir . Bundan qurtulmağın və profilinizi bu cür spam reklamlardan qorumağın isə çox sadə yolu var!

Salam, dostlar. Necəsiz?  Daha bir Koreya filmi ilə yenə qarşınızdayam.   Bilirem bu aralar Koreya filmleri ilə baydım sizi :D   Yaxşı, söz verirəm ki, növbəti yazım kitab haqqında olacaq. Əgər anlaşdıqsa onda keçək filmimizə =) Haqqında danışacağım filmin adı “My Sassy girl”, yəni “Hırçın Sevgilim” di. Filmin həm adı həm də posteri diqqətimi çəkmişdi deyə izləməyə qərar verdim. Film romantik-komedi janrındadır və yaşanmış hekayə əsasında çəkilib.

Salam, dostlar. Son zamanlar işlərimin çoxluğundan nə post yazmağa, nədəki kitab oxumağa heç cürə vaxt tapa bilmirdim =)   The Secret kitabı elə əlimdə qaldı) Amma inşallah qısa zamanda kitablar haqqında yazmağa yenə davam edəcəm. Bugün isə istəyirəm sizə bir az “Koreya sevdamdan” danışım =)) “A moment to remember” filmi ilə başladı mənim bu sevdam. Həm danışıqları, həm görünüşləri ilə canı yanmışlar çox şirindi))

The Green Mile (Yaşıl Mil) - 1999-cu il istehsalı olan, Amerikan drama filmidir.   Film Stephen Kingin eyni adlı novellası əsasında çəkilib. Filmin rejissoru ve ssenaristi Frank Darabotdur. “Yaşıl Mil” 4 Akademi Mükafatina layiq görülüb :   1. Ən yaxşı film   2. Michael Clarke Duncan üçün ən yaxşı köməkçi aktyor   3. Ən yaxşı Musiqi   4. Ən yaxşı uyğunlaşan (adaptasiya olunan) ssenari   Ümumiyyətlə bu film sinema tarixinə öz damğasını vurmuş filmlərdən biri hesab olunur...

  Salam, dostlar. Necəsiz? Bu yazım kitab haqqında yox, çox maraqlı bir kino haqqında olacaq. Ona görə də izləməyə yaxşı film axtaran dostlarım bu yazımı oxumağa davam eləsin.    Sizə əla bir məsləhətim var! Düzü 3-4 gündü yaxınlarımdan baxmağa   yaxşı kino axtarırdım və nə axtardığımı dəqiq bilirdim: mənə həddən artıq çox təsir edəcək, ağladacaq, duygu yüklü bir film istəyirdim. Nəhayət yaxın dostum Google gəldi ağlıma =)   

Salam, dostlar. Bugün sizə növbəti qonaq bloggerimiz Samara Markes i təqdim etmək istəyirəm. Yəqin çoxları az da olsa bu xanımı Facebookdakı kitablarla bağlı maraqlı paylaşımlarından tanıyır . Samara Markesin bizlər üçün hazırladığı ilk yazı isə sevimli yazıçısı   Qabriel Markesin "Gözlənilən bir qətlin tarixçəsi" kitabı əsasında hazırlanmış Test dən ibarətdir. Samara xanım özü kitabları oxuyanda çox diqqətlə oxuduğunu deyir . Hətta O əsərdəki qəhrəmanların oxuduqları kitabların, qulaq asdıqları musiqilərin adlarına qədər hər şeyə diqqətlə yanaşır.

Sentyabr ayının gəlməyi ilə bizim də layihəmizin vaxtı gəlmişdir deməkdir :) Bildiyiniz kimi İyul ayından başlayaraq blogumuzda "Hər ay bir hədiyyə kitab" adlı layihə start götürmüşdü. İyul ayının qalibi Pifaqor (Rövşən  İsmayılov) bizden Elif Şafakın "AŞK" kitabını qazanmışdı. Hər ay keçirməyi planlaşdırdığım layihəni Avqust ayında bağda internetin sürəti çox zəif olduğuna görə keçirə bilməmişdim.

Salam, dostlar. Növbəti yazımla yenə qarşınızdayam.   Bugün haqqında danışacağım kitab Burçak Çerezcioğlunun “Mavi Saçlı kız” kitabıdır. Kitabla ilk tanışlığım internetdən olmuşdu və oxuyucular tərəfindən yazılan rəylərdən belə başa düşdüm ki, doğrudan da oxunmağa dəyər kitabdır. Elə bu səbəbdən kitab məndə böyük maraq oyatdı və çox keçmədən “Mavi Saçlı kız” ı Bakumoz vasitəsilə sifariş verdim.

Salam, dostlar. Bugündən blogda olacaq daha bir yeniliklə qarşınızdayam :) Maşallah bu aralar yeniliklər çoxdur =) Bundan sonra oxuduğum kitablardan testlər hazırlayaraq kitabı oxuyan oxucuların diqqətini yoxlamaqda onlara kömək etməyə çalışacam. Beləliklə, ilk testimiz Xalid Hüseynin möhtəşəm əsəri "Çərpələng Uçuran" haqqındadır.

Salam, dostlar. Bugün haqqında danışacağım kitab Türkiyədə ən çox satılan "Sosyal Başarı" kitabıdır. Yazıçının adı Mümin Sekman dır. Bəlkə də bəziləri bu adı ilk dəfə eşidir, amma bu insan Türkiyədə reytinqləri alt-üst edən kitabın müəllifidir. Ankara Universiteti "Hüquq" fakültəsinin məzunu olmasına baxmayaraq Mümin Sekman heç vaxt hüquq sahəsində çalışmamışdır. O gənc yaşlarından Türkiyənin uğur qazanmış iş adamlarının, məşhurlarının həyatını incələmiş, analiz etmiş və həyatda   onlar kimi uğur qazanmağın yollarını tapıb öz oxucuları ilə bölüşmüşdür. Bir ildə 400.000 ədəd satılaraq reytinqlərdə birinci yerdə taxt quran kitab isə "Her şey seninle başlar" dır. Kitaba internetdə təsadüfən rast gəlmişdim və kitabın arxa qapağındakı sözlər diqqətimi çəkmişdi: "Çarəsizlik öyrədilmişdir. Elə isə Uğur qazanmaq da öyrədilə bilər. Səndə düşündüyündən daha çoxu var! Gələ biləcəyin ən yaxşı yerdə deyilsən. Yeni bir həyat üçün lazım o...

Çox bəyəndiyim və sevə-sevə oxuduğum kitabların içərisində Paulo Coelhonun “Rio-Pyedranun sahilində oturdum və ağladım ” kitabı ön sıralardadır. Yazıçının bu kitabı   Yeddinci gündə adlı trilogiyasının ilk əsəridir. 1994-cü ildə nəşr olunan bu kitab   dünyanın bir çox dillərinə tərcümə edilərək 2,5 milyon oxucu ilə görüşüb.

Salam, dostlar! Bugünləri Bakumoz vasitəsilə Türkiyədən sifariş verdiyim və böyük səbirsizliklə gözlədiyim 3 kitabım nəhayət ki, gəldi :)) Kitabları vərəqlədikcə düzgün seçimlər etdiyimi, hətta bu kitabların bəzilərinin məni fena sarsıdacağın da hiss etdim.

Salam, sevgili oxuyucular =) Bugündən blogda yeni bir bölmə açmağa qərar verdim. Yeni bölməmizin adı:  Dedi-qodu Qazanı! Yox-yox, burda onun bunun qeybətin qırmayacağıq, sadəcə olaraq baxdığım seriallardan, məşhurlardan maraqlı olan xəbərləri sizinlə paylaşacam =)

Salam, dostlar! Bugün sizə gənc yazar Çingiz Mehbalıyev in ilk kitabı “Miras: Bakının sirri” haqqında yazmaq istəyirəm. 

Cəmi   bir sual Camal Maliki 20 milyon rupidən ayırır. O bunu necə edib?   A) O hiylə edib   B) O şanslıdır   C) O dahidir   D) Bu onun qismətidir Hind filmlərini çox da sevmirəm. Nadir hallarda olar ki, mən hansısa Hind filminə baxaram. Bu məqaləmdə isə haqqında danışacağım film İngiltərə istehsalı olan, lakin məhz bir neçə kasıb Hindlinin həyatından bəhs edən bir filmdir.

Salam, sevgili kitabsevərlər! Necəsiz? Yay tətiliniz necə keçir? 3 günlük Qəbələ səyahətindən sonra nəhayət yenə Bakıdayam =) Bugün sizə tam fərqli bir kitab haqqında yazmaq istəyirəm. Uşaqlıqdan astrolgiyaya, bürclərə, fallara filan inanan biri olmuşam. Bu yaxınlarda Star Tv-də "Alişan ve Ayşenin" verlişində qonaq 20 ilə yaxındır astrologiya ilə məşğul olan məşhur astroloq Nuray Sayarı idi. 

Real hadis ə l ə r ə sas ı nda yaz ı lm ış daha bir dramatik roman … Alexandra Cavelius un  q ə l ə m ə ald ığı bu kitabda bosniyal ı Leyla n ı n ac ı taleyind ə n b ə hs edilir. Leylan ı n m ü harib ə vaxt ı çə kdiyi ə zablar, g ö rd ü y ü i ş g ə nc ə l ə r, g ö z ü qar şı s ı nda g ə linl ə r ə - q ı zlara “toplu tecav ü z” edilm ə si, bir siqaret qar şı l ığı nda ə sirin dig ə r h ə rbi hiss ə y ə sat ı mas ı , b ü t ü n bunlar kitab ı n b ə hs etdiyi d ə h şə tli real faktlard ı r.

"Tres Metros Sobre el Cielo" ( Göyün 3 - cü qat ı ) İlk məqaləmi bu filmə həsr etməyimin səbəbi sadəcə, son zamanlar izlədiyim ən maraqlı, ən romantik kino olması deyil, həmçinin bu filmin mənə digər filmlərdən müəyyən qədər fərqli təsir bağışlamasıdır... Film adından da göründüyü kimi İspan filmi olsa da romanın ekranlaşdırılması İtalyan yazıçısı və rejissoru Federiko Moççiaya məxsusdur. Belə ki, 2004-cü ildə italyanca ekranlaşdırılan bu filmin 2010-cu ildə İspan versiyası çəkilmişdir. Romanda və filmin italyan versiyasında hadisələr Romada baş verir və baş qəhrəman Stefana Mançini, ləqəbi isə Step olur.

Salam, sevgili kitabsev ərlər. Bugün sizə Avropa məhəbbət romanlarının yeni ulduzu Cecelia Ahern in debüt romanı olan “P.S. Mən Səni Sevirəm” haqqında yazmaq istəyirəm. Dünya şöhrətli bestseller olan bu kitab əlli dilə tərcümə olunub və satışa çıxan kimi Britaniya reytinqlərində “Dav Vinçi kodu”nu ötüb. İlk növbədə istərdim Cecelia Ahern haqqında sizə bir qədər məlumat verim. Onu deyim ki, solda gördüyünüz şəkildəki kimi xanım yazar həqiqətən də çox gözəldir.

Salam, dostlar. N ecəsiz? Bildiyiniz kimi bu yaxınlarda blogumda “Elif Şafakın AŞK kitabın sən qazan!” deyə layihə start götürmüşdü. 1 həftə keçirilən oyunun sonunda nəhayət mənim qalibi açıqlayacağım gün gəlib çıxdı =)) Düzdür, cavabları açıqlamaqda   bir az gecikdim, amma üzürlü səbəblərim var idi .

  Türkiyənin məşhur qadın yazarlarından biri olan Elif Şafakı n kitabını oxumağı çoxdan düşünürdüm. Əlimə aldığım ilk kitab isə “İskəndər” oldu. Nədənsə bu xanımın yazdığı bütün kitablar Türkiyədə böyük səs-küy yaradır. Təsəvvür edin, roman çapa getməmişdən qabaq, artıq Türkiyədəki kitab evlərindən 168 min kitab sifariş edilmişdi.

Dostlar, bugün sizə xoş bir sürprizim var! =)  Maraqlı bir oyunun sonunda Elif Şafakın dillərə dastan "Aşk" kitabını sevimli oxuyucularımdan birinə hədiyyə edəcəm. Qeyd edim ki, kitab azərbaycan dilindədir və yenidir. Əgər kitabı bəyəndinizsə və onun sizin olmasını istəyirsinizsə oyunda iştirak etmək üçün ilk növbədə blogumda solda yerləşən "Sevimli oxuyucularım" a qoşulmalı və bu xəbəri Facebook profilinizdə paylaşmalısız.

Salam, sevgili kitabsevərlər! İlk növbədə əziyyət çəkib kitablar və blog haqqında rəy bildirən bütün oxuyuculara öz təşəkkürümü bildirirəm. Diqqətinizə görə çox sağ olun. İnanın mənə hər dəfə yeni birilərinin blogumu bəyəndiyini, izlədiyini görəndə həqiqətən də çox sevinirəm =) Düzü bu qədər çox kitab oxuyucularının olduğun təsəvvür etmirdim. Deməli kitaba maraq ildən-ilə daha çox artacaq və biz daha gözəl bir cəmiyyətdə yaşayacayıq.

Bugün sizə "Kitab adam yemir" klubunun ərsəyə gətirdiyi yapon yazıçısı Yasunari Kavabatanın "Min durna" əsəri haqqında fikirlərimi yazmaq istəyirəm.  İlk növbədə onu qeyd edim ki, mətbuatda, xəbər saytlarında, facebookda bu kitabın təqdimatı ilə bağlı xəbərlər çox yayımlandı. A nn.az saytında gördüyüm xəbərdəki bu sözlər mənim də diqqətimi çəkmişdi deyə təqdimatda iştirak etməyə qərar vermişdim: 23 iyun tarixində, saat 11:00-da ATGTİ-nin qərargahında klubun rəsmi açılış mərasimi və “Min durna” kitabının təqdimatı keçiriləcək. Mərasimdə ATGTİ-nin sədri Şahin İsmayılov, Yaponiyanın ölkəmizdəki səfirliyinin nümayəndələri, kitabın ərsəyə gəlməsində yaxından iştirak etmiş gənclər və tələbələr iştirak edəcəklər. Eyni zamanda mərasimdə yapon mədəniyyəti (musiqi, simvollar, dil və s.) təqdim olunacaq. Təqdimata getməyimin əsas səbəbi Yapon mədəniyyətinə olan marağım idi. Düzdür təqdimatda yapon musiqisi var idi, qulaq asırdıq və bu çox xoş təsir bağışlamışdı. Amma ç ox tə...