Kindle Touch nədir?

Salam, dostlar. Bugün sizə hansısa kitab haqqında yox, çoxdandır arzusunda olduğum və  bu yaxınlarda aldığım  "Kindle Touch" haqqında ətraflı bir yazı yazmaq istəyirəm.

• Kindle Touch nədir?

Gündəlik həyatımıza yaxın zamanlarda daxil olan elektronik kitablar (E-kitablar)  elektronik mürəkkəb texnologiyası ilə ən parlaq dövrünü yaşayır. Elektronik kitabın ixtiraçısı və mütəxəssis Michael S. Harta görə " E-kitab havadan sonra ən çox ehtiyac duyduğumuz şeydir ."

Elektronik mürəkkəb texnologiyasının əsas məqsədi e-kitab oxumaq üçün ixtira edilən cihazlara orginalına yaxın, kitabdan oxuyurmuş kimi effekt verməkdir.  Bu texnologiyada göz yorğunluğuna gətirib çıxaracaq ekran işıqlandırması yerinə ətraf mühitin işığından istifadə edilir. Beləcə günəş işığında da gözü yormadan keyifli bir oxuma imkanını əldə edirik.

Bildiyiniz kimi e-kitab oxumaq üçün çox sayda müxtəlif elektron tabletlər mövcuddur. Amma  niyə məhz bu modeli seçdiyimi yazını oxuduqca ətrfalı izahım ilə başa düşəcəksiz.

• Bu cihaz vasitəsilə siz yüklədiyiniz elektron kitabları, pdf-ləri gözlərinizi yormadan çox rahat şəkildə oxuya bilərsiz.
• Həmçinin "Kindle Touch" vasitəsilə Amazon.com - dan ingilis dilli kitabları pulsuz yükləmə imkanı da əldə edirsiz.
• Amazon.com - da satılan bütün kitabların ilk səhifələrin yükləmək pulsuzdur. Bu oxucuların kitab haqqında təxmini məlumatı olması üçündür.
• 4GB yaddaşı ilə siz bu cihazda 3000 kitab saxlaya bilərsiz. Fikirləşin, 3000 kitab 213 qram ağırlığında bir cihazın içində!
• Elektron kitablar orginal kitabın yerin vermir deyənlərə isə "Kindle Touch" istifadəçisi olaraq onu deyə bilərəm ki, şəxsən mən bu modellə kitab oxumağı daha çox sevdim. Çünki kitabı oxuyarkən əlimə qələm belə almadan istədiyim qeydləri aparır, internetdən istədiyim kitabı yükləyirəm. Türk kitabları burda 12-13 manata satıldığı halda internetdən 3 manata həmin kitabın elektron versiyasın yükləyib oxumaq da olur. Məncə bu həm qənaətlidir, həm də çox rahatdır.
• Bundan başqa kitabların elektron versiyasın pulsuz yerləşdirən saytlar da vardır ki, siz həmin bu saytlardan  istədiyiniz kitabı heç bir xərc çəkmədən yükləyib oxuya bilərsiz.
• Bu tabletdə ən çox sevdiyim digər bir özəllik isə lüğətidir. Kindle Touch ilk aldıqda daxilində 2 lüğət olur, amma siz sonra istədiyiniz lüğəti yükləyib bura əlavə edə bilərsiz. Beləliklə xarici ədəbiyyatdan hər hansı bir kitab oxuduqda sizə tanış olmayan söz gördükdə heç bir lüğət açmadan, tək bir toxunuşla həmin sözün tərcüməsin bilə bilərsiz . Hətta tərcümə etdiyiniz sözləri cihazın özündə qeyd etmək də olur ki, bu da yeni sözləri sonradan oxuyub öyrənmək üçün əla fürsətdir.

• Kindle Touch-ın əsas özəllikləri

1- Ümumi funksiyalarıi

1.1-Dil dəstəyi

Bu cihaz İngiliscə, Almanca, fransızca, İspanca İtalyanca və Braziliya Portuqalca dillərini dəstəkləyir. Türkcə dəstəyi isə yoxdu. Amma e-kitablarda Türk şriftləri göstərməkdə heç bir problem yoxdur.

1.2 Sistem ehtiyacı

Cihazın çalışması üçün heç bir sistemdən asılılığı yoxdur. Yəni Kindle Touch-a heç bir kabelə, kompüterə ehtiyac olmadan kitab, mahnı, oyun və proqam endirilə bilər. Cihaz kompüter ilə USB 2.0 kabeli vasitəsilə bağlanır. Bu zaman siz komputerinizdəki istədiyiniz mp3ləri, şəkilləri və kitabları da bu çox funksiyalı cihaza göndərə bilərsiz.

1.3 Ekran xüsusiyyətləri

Cihazın ekran ölçüsü  600×800 -dür. Klaviyaturası yoxdur, çünki touch screen-dir. Bəziləri touch screen-in problem yaratdığını desədə touch screen əleyhinə olan mən Kindle-da bu funksiyanı çox sevdim. Bir əl toxunuşuyla altından xətt çəkmək istədiyiniz sətirləri işarələyə, kitabı oxuyarkən belə qeydlər yaza bilərsiz. Elektron mürəkkəb olduğuna görə ilk növbədə gözü heç yormur. İpod, İpad və bir sıra mobil telefonlardn fərqli olaraq Kindle-da şüa yoxdur. Saatlarla kitabı oxuduqdan sonra belə gözlərdə qızartı olmur.

Həmçinin telefonlarda, İpod/ İpadlərdə gündüz işığında parlama olduğu halda bu cihazda pearl ekran sisteminə görə heç bir parlama olmur. Ona görə də gün işığında belə kitabınızı bu cihaz vasitəsilə rahat oxuya bilərsiz..

Qarışıqlıqdan uzaq, sadə menyusu ilə kitab oxumaq isə həqiqətən də çox keyiflidir. Cihazda səhifə çevirmə düymələri yoxdur, yalnız bir ana ekran düyməsi var. Hər şeyi ekranın müəyyən bölgələrinə yüngül barmaq toxunuşu ilə həll edirik. Səhifələri çevirmənin, ekran təzələnməsinin sürəti və touch screenin cəld reaksiya verməsi insanı heç yormur və gözlətmir. Yəni ani bir toxunuşla səhifə çox tez çevrilir.

İncə bir kitab nazikliyində 213 qram ağırlığı olan bu cihazı diqqətli və səliqəli istifadə etmək lazımdır.Yəni hamımızda olub ki, telefon bir neçə dəfə əlimizdən düşüb, amma çalışıb, bu cihaz isə telefondan fərqli olaraq çox həssasdır. Touch screen olduğuna görə əldən düşən kimi cihaz yararsız hala qala bilər. Buna görə "Kindle Touch" alarkən  əlavə olaraq yanında satılan qoruyucu örtüyü də almaqda fayda var. Yəni örtük olsa həm cihaz özü cızılmaz, köhnəlməz, həmdəki əlimizdən düşsə belə az da olsa qorunar.

Örtüklərin isə bir neçə növü vardır. Sadə, şəkilli, bəzəkli, işıqlı hər rəng bir çox növ örtüklər vardır. İşıqlı olan örtüklər isə daha çox gecə yatarkən qaranlıq otağda kitab oxumağı sevənlər üçün əlverişlidir. Mənim elə bir adətim olmadığına görə işıqlı deyil, bəzəkli bir örtük seçib alacam. Hətta artıq örtüyü seçmişəm, qalıb sifariş etmək =)

İnşallah növbəti postlarımda örtük seçərkən diqqət etməli olduğumuz məqamlar haqqında da ətraflı yazacam.

1.4 Kabelsiz şəbəkə əlaqəsi

Cihazın Wi-Fi funksiyası var. Yəni Wi-Fi ilə internetə qoşularaq istədiyiniz kitabı, mahnını online yükləyə, istədiyiniz xəbər, qəzet, əyləncə saytların aça bilərsiz.

1.5 Yaddaş

Kindle Touch modelinin 4 GB daxili yaddaşı var. Ortalama 3 GB istifadə edilə bilər. Cihaza kabelsiz şəbəkə vasitəsilə ya da USB aracığıyla atılan fayllar Kindle kitabxanasına yeni (new)bir fayl olaraq əlavə olunur. Əlavə oluna bilər yaddaşın olmayışı bir əskiklik kimi görünsə də oxunan sənədləri, kitabları sildikdən sonra yenilərini əlavə edərək  yaddaşdan məhsuldar bir şəkildə istifadə edə biləriz.

1.6 Batareya ömrü

Cihaz ortalama 4 saatda şarj edə bilər. Batareya gündə yarım saatlıq oxuma ilə 2 aya çatan oxuma imkan verir. Mənim gündə yarım saatdan çox oxuduğuma baxmayaraq hələ batareya qurtarmayıb. Batareya qurtaranda cihazı USB kabeli vasitəsilə komputerə qoşuruq, o da rahat enerji yığır.

1.7 Güc adapteri və şarj müddəti

Kindle ilə gələn orijinal paketdən adapter çıxmır. Amazon bunu ayrı olaraq satır. Amazondan başqa məncə burda da bu tip adapter alıb, cihazı batareyaya taxmaq olar.

1.8 Səs-mp3

3.5 mm stereo jack girişi ilə hər hansı bir qulaqlıqla (nauşniklə) səs dinlənə bildiyi kimi dinamik vasitəsilə səs çölə də verilə bilir. Bu funksiya MP3 formatlı fayllarıт və səsli kitabların dinlənməsinə imkan yaradır. Səs keyfiyyəti isə keyfiyyətli bir MP3 çalardan fərqli deyil.

Kitab oxuyarkən musiqiyə qulaq asmağı sevənlər üçün məncə çox gözəl funksiyadır.

1.9. Dəstəklədiyi formatlar

Kindle (AZW), TXT, PDF, Audible, MP3, HTML, DOC, DOCX, JPEG, GIF, PNG, BMP .