5/30/2012

The Kite Runner (2007)


Xalid Hüseyni Əfqan əsilli Amerika yazıçısı. Birinci tam səmimi onu deyim ki, yazıçının şəklin görəndə çox təəccübləndim. 
“aaaa bu kitabı bu kişi yazıb?” deye öz içimdə düşündüm =))) 47 yaşı olmasına baxmayaraq çox cavan görünür maşallah)) Mən daha yaşlı birin təsəvvür edirdim. 
Həmçinin yazıçının digər peşəsi də məni təəccübləndirdi. Xalid Hüseyni həm də həkim imiş..)

Onun 2003-cü ildə nəşr olunan "The Kite Runner" adlı əsəri dünyada 12 milyondan çox satılıb. . 2005-ci ildə roman ABŞ-da bestsellerlər arasında 3-cü yeri tutub. 2007-ci ildə kitab əsasında eyniadlı film çəkilib.


İlk öncə onu söyləyim ki, kitabla tanışlığım internetdən olmuşdu. Oxucu rəylərinə nəzər saldıqdan sonra kitabı oxumağı qərar verdim və oxuduğuma heç də peşman deyiləm. Amma kitabın ilk səhifələrin vərəqlədikdən sonra, əsərə eyni adlı filmin çəkildiyin biləndə birinci “The Kite runner” filminə baxmağı seçdim. Kinonun bəzi hissələri çox duygusal olsa da təhriflər olduğu açıq aydın hiss edilirdi. Filmə baxdıqdan sonra kitabı daha maraqla oxumağa başladım, artıq kinoda nələrin təhrif edildiyin, nələrin əlavə olunduğun oxuya-oxuya yadıma salırdım. Kitabın özündən isə altından xətt çəkdiyim qeydləri burda sizinlə paylaşacam.
Dosta xəyanət, illərlə gizlədilmiş yalanlar, qürur, anasını öldürdüyünü düşünərək ömür boyu çəkilən suçluluq hissi, həqiqət haqqının, kiminsə qardaşının, kimsə namusunun oğurlanması... Taliban təfəkkürü... 
Bunların hamısı kitabda öz əksini tapan məqamlardır. Taliban təfəkkürüylə bağlı bəzi şeyləri oxuduqda Vətənimizdə də hələ bu cür  təfəkkürlə yaşayan insanların olduğunu xatırladım... 
Yaxşı ki, Azərbaycan  Taliban təfəkkürlü insanların əlində deyil... 
Yaxşı ki, o təfəkkürlə yaşayan insanların sayı çox deyil...
Yaxşı ki, Əfqanıstan kimi bir ölkədə yaşamırıq...

Kitabın bəzi məqamları həqiqətən də insanı çox təsirləndirirdi... Həsənin özünə ən yaxın saydığı dostunun - Əmirağanın gözləri qabağında zorlanması, Əmirağanın qorxaq kimi heç nə etməməsi... Həsənin Əmirağaya cavab olaraq başına çırpdığı nar... Əmir ağa ona şər atanda Həsənin oğurluğu qəbul edib səssizcə çıxıb getməsi... Əsgərlərdən birinin Həsənə anasını necə zorladığını deməsi, uşaqların Həsəni həmişə alçaltması... Əfqanıstanda 2 həftəlik yemək pulu üçün bədəninin müxtəlif hissələrin satan çarəsiz insanlar...Bunlar çox təsir edir insana...
Filmdə isə bəzi səhnələr həqiqətən çox gözəl canlandırılmışdı... Həsənin zorlanarkən qurbanlıq qoyun baxışları... Zorlandıqdan sonra qarın üzərində qan damcılarının qalması... Əmirağanın Həsəni qəzəbləndirmək üçün onun sinəsinə çırpdığı narlar...Həsənin buna cavab olaraq sonda narı götürüb öz başına çırpması...və nəhayət kitabın sonun da Əmirağanın qardaşı oğlu Söhrab üçün Həsən kimi “Senin için binlerce kez yaparım” deməsi mənim gözlərimi dolduran səhnələr idi... Filmə Sami Yusifin mahnısı da ayrı bir hava qatmışdı... Bir sözlə oxumağa dəyər əsərdi... Hər şeyi yazıb kitabı sizə danışmaq istəmirəm. Bircə onu bilin ki, filmə baxdıqdan, kitabı oxuduqdan sonra vaxt itkisiydi deyib təəssüflənməzsiz. Kitabın PDF formatın da komputerinizə, telefonunuza yükləyib oxuya bilərsiz.   
E-kitab olaraq YÜKLƏ!  

Unudulmaz bir əsər... Hər kəs oxumalıdır məncə.