Harry Potter and Philosopher's Stone (2001)


Ta ta ta tam!))
Yeni yazım ilə yenə də blogumdayam =) Amma hər şeydən əvvəl onu deyim ki, blogumda bir az dəyişiklik etmək istəyirəm. Bundan sonra məncə, kitabsevərlərdən çox, kinomanların diqqəti bu blogda olacaq!)
Çünki son zamanlarda baxdığım filmlər mənə kitablardan daha maraqlı gəldi. Düzdür bəzi şeyləri öyrənmək üçün kitablar mütləqdir, amma filmlərin də ayrı ləzzəti var =)
İndi isə keçək filmimizə... Yəqin aramızda Harry Potterin adın eşitməyən yoxdu?) Adın çox eşidib, Play Stationda oyunların oynasam da filminə baxmaq hələ qismət olmamışdı. Nəhayət, yaxın günlərdə Harry Potter serisinin ilk filmi “Harry Potter ve Felsefe Taşı”na baxdım. Doğrudan da mənə çox maraqlı gəldi. Baxmayanlara tövsiyyə edərdim. Film əlaydı, bu öz yerində, amma əminəm ki, nə vaxtsa kitabların da alıb şəxsi kitabxanama əlavə edəcəm.
İndi isə Harry Potter haqqında oxduğum maraqlı şeyləri sizinlə paylaşıram: İyi okumalar... =)
Hər şey o qatara olarkən başladı.. Söhbət Harry Potter kitablarının müəllifi J.K. Rowlingdən gedir.  Həmişə uşaqlar üçün kitab yazmaq istəyən gənc bir qadın qatarda olarkən artıq qəti şəkildə bu  kitabı yazmağa qərar verir. Lakin həmin an qələminin olmaması bu işi bir az gecikdir. Və o, qatardan düşdükdən sonra artıq ağlında olan o hekayəni yazmağa başlayır. Jurnalistlər Rowlingdən kitab yazmaq üçün ən yaxşı yer haradır deyə soruşanda, yazıçının cavabı çox maraqlıydı: bu sirr deyil ki, mənə görə kitab yazmaq üçün ən yaxşı yer sakit musiqili, az müştərili rahat bir kafedir.

2001-ci ildə vizyona girən "Harry Potter ve Felsefe Taşı" əsəri 1994-cü ildə qələmə alınıb. 


Stephen King və Danielle Steeledən sonra J.K. Rowling dünyanın üçüncü ən varlı yazıçısıdır. Amma bəzi mənbələrdə, bu məlumatın yanlış olduğu, bu 3 yazar arasında ən varlısının elə Rowling olduğu qeyd edilir.

Harry Potter – Daniel Radcliff – 23 iyul 1989-cu ildə anadan olub. Yəni, hal-hazırda 24 yaşı var. İndiki halı bir az çirkin olsa da, məncə filmə çəkiləndə, yəni 12 yaşında çox şirin olub. Bu filmdə ən çox bəyəndiyim isə gülüşü və o masmavi gözləri idi <3

Filmdə Hermione Granger rolunda gözəl-göyçək Emma Watsondur. O da uşaq vaxtı indikindən daha şirin olub) Emma Watson 1990-cı il təvəllüdlüdür və filmdəki 3 dostun (Harry, Ron və Hermione) arasında yaşda ən balacasıdır.
Sonra filmdə diqqətimi çəkən obrazlardan biri də Hagrid idi. Filmdə div boyda görünsə də, Robbie Coltranin, yəni filmdəki adıyla Hagridin 185 sm boyu var. Ən maraqlısı isə odur ki, filmə çəkilərkən gerçəkdə aktyorun 51 yaşı varmış. Amma şəxsən mən, bu yaşı ona heç verməzdim.

Sonra sizə professor Dumbledore-dan yazmaq istəyirəm. Bu arada onu da deyim ki, tələffüzünə görə bu söz son günlərdə dilimə düşüb :)
Richard Harris bu rolu ilk öncə qəbul etmək istəməyib. Lakin 11 yaşlı nəvəsi  bu rolu qəbul etməzsə, onunla heç vaxt danışmayacağını bildirdikdən sonra nəvəsinin xətrinə məcbur qəbul edib.

 1930-cu il təvəllüdlü olan Richard Harris 2002-ci ildə, 72 yaşında vəfat etmişdir. Bu isə filmin vizyona çıxmasından bir il sonraya düşür. Onun ölümündən sonra isə filmə Dumbledore rolu üçün Michael Gambon dəvət edilib. Sağda gördüyünüz şəkildə birinci ağsaqqal Richard Harris, ikincisi isə Michael Gambondur.

Harry Potter rolunun ifaçısı Daniel Cliff baş rola qəbul olunduğunu isə duş alarkən öyrənmişdir =)
Bu günlük bu qədər məlumat bəsdir :) Növbəti dəfə Harry Potter and Philosopher's Stone filminin çəkildiyi məkanları sizinlə paylaşacam. Düzü, mən əvvəl elə bilirdim ki, o məkanların bir çox komputer qrafikası ilə yığılmadır, amma sən demə o yerlərin hər biri gerçəkdə varmış :)))

Filmə baxmayanlar, əgər filmə baxdıqdan sonra bu məlumatları oxusaz, onda sizə daha maraqlı gələcək. Bütün dünyanın danışdığı Harry Potterdən xəbərsiz olmaq bize yakışmaz ;)

Yorumlar

  1. Maraqlı məlumatlar idi Arzu. Çox sağ ol. Hiss olunur ki bu məlumatları toplayarkən əziyyət çəkmisən.Həm də inanmıram bizim dildə belə məlumatlar ola - tərcümə də etmisən. Əziyyətinə dəyib maraqlıydı həqiqətən. Sənə kos kocaman - Afərin :). Təşəkkür edirəm.

    YanıtlaSil
  2. Əziyyəti dəyərləndirən insanın olması necə də gözəldi :)))
    Melumatlari bir nece menbeden goturerek birlesdirib bu yazini yazmisam) onu da duz dedin ki, hardansa copy-paste deyil) ingilis dilinden tercume etmisem hamisini))) Sən bu filmə baxmışdın?

    YanıtlaSil
  3. Yox baxmamışam Arzu Birincisi ona görə ki, nəsə bəyənmirəm belə tip filmləri (bəlkə də səhv edirəm baxsam bəyənə bilərəm -amma yəni baxmağa cəhd etməmişəm də) İkincisi məndə bir xasiyyət var - məşhur adı dillər əzbəri olan filmlərə baxa bilmirəm Sanki o qədər danışırlar o filmlər barədə baxmağım artıqmış kimi gəlir mənə.. (amma təbii istisnalar var məsələn : "Redemption from Shawsgank" a baxmışam :)) Məsələn elə filmlər var ki baxmadığım adını çəksəm film barədə danışmağı mənə qadağan edərlər :) Mən daha çox o qədər tanınmayan yəni adı çox yayılmayan filmlərə baxmağı o filmlərdə nəyisə "kəşf etməyi" sevirəm )) Amma sənin bu film (ya da film serisi) barədə yazılarını maraqla oxuyacağam. Bilmək olmaz bəlkə sonra baxdım ))))

    YanıtlaSil
  4. Mende amma eksinedi)) Haminin adin ezber bildiyi, dunyada meshur olan filmlere baxmayanda ele bilirem nelerse itirmisem. kitablara da aiddi bu. amma o da duzdu ki, cox adamin xebersiz oldugu yaxsi filme baxmagin lezzeti ayridi =)))

    YanıtlaSil
  5. Thanks for your personal marvelous posting! I genuinely enjoyed
    reading it, you might be a great author. I will be sure to bookmark your blog and will often come back from now on.
    I want to encourage that you continue your great job, have a
    nice afternoon!

    Also visit my site - how to get lot of followers on instagram

    YanıtlaSil
  6. Filmden ziyade kitaplarını okumanızı tavsiye ederim. :)

    YanıtlaSil

Yorum Gönder

Bu blogdaki popüler yayınlar

Ronda Bern - Sirr (The Secret) kitabı

Qabriel Markes - 100 ilin Tənhalığı

Yüreğim Seni çok Sevdi / Canan Tan