10/13/2012

Necə bir saata bir kitab oxuyaq? Sürətli oxu!

Salam,  dostlar. Bugün sizə satışa çıxmasını çoxdandır gözlədiyim bir kitab haqqında yazmaq istəyirəm. Böyük maraqla oxuduğum bu kitabın adı “Sürətli Oxu”dur!

Kitabda göstərilən məşqlərdən istifadə edərək 1 saata bir kitabı oxuyub bitirə bilərsiz!
Düzdü qulağa inanılmaz gəlir, amma belə bir şey  mümkündür. Sürətli oxumaq mövzusuna millət olaraq çox fikir verməsək də bir çox tanınmış  xarici şirkətlərdə bununla bağlı seminarlar keçirilir, insanlar sırf sürətli oxumaq vərdişinə yiyələnmək üçün kurslara yazılır.

Hətta buna misal olaraq Türkiyənin 9-cu cumhurbaşkanı Süleyman Demireli göstərmək olar. O ABŞda yaşayarkən sürətli oxu kurslarına  gedərək dəqiqədə 5000 ilə 7000 arasında söz oxuya bilmək vərdişinə yiyələnmişdir.
Yeri gəlmişkən onu da deyim ki, Türkiyədə 4-cü sinif şagirdi bir oğlan isə dəqiqədə 11 bin 725 söz oxuyur.
Bəs bir dəqiqədə siz neçə söz oxuyarsız? Heç bu haqqda düşünmüsüz?



 İnternetdə tapdığım maraqlı bir testlə bunu öyrənə bilərsiz. Məsəlçün, mən dəqiqədə 293 söz oxuyurmuşam =)
 Elə də pis rəqəm olmasa da, məncə, kitabda yazılan məşqləri edərək bu rəqəmi 2-3 qatına çıxarda bilərəm.
Amma onu da deyim ki, əsas kitabı sürətlə oxuyub bitirmək deyil, əsas məsələ odur ki, sürətli oxuyarkən belə yazılan hər şeyi anlayıb başa düşəsiz.
Əgər siz də oxu sürətinizi ölçmək istəyirsizsə bura klikləyin və sonda cavabları bizimlə bölüşməyi unutmayın ;)
 "Sürətli oxu" -  yaddaşın, diqqətin gücləndirilməsi və sürətli oxumağın yollarını öyrədən müxtəlif metodlarla zəngin bir kitabdı. Siz bu metodlarla göz əzələlərinizi inkişaf etdirərək bir baxışda bir sətri deyil, hətta bir abzası görüb oxuya bilərsiz.
Əgər başqaları bunu zamanla öynərək edibsə, deməli istəsək biz də edə bilərik =)
Həyatda heç bir şey imkansız deyil!

Bu haqda maraqlanırsızsa, sürətli oxumağı öyrənmək istəyirsizsə kitabı almağa tələsin! Çünki  cəmi 200 nüsxə nəşr edilən bu kitabın qiyməti də çox uyğundur.
P.S: Bizim nəşriyyat evlərinin çap etdiyi kitabları bəyənməsəm də, bu kitabı üz qapaq dizaynı, keyfiyyəti, redaktesi ilə çox bəyəndim!
 Kitabın çox diqqətlə və zəhmətlə hazırlandığı hiss olunur!  Buna görə "Qədim Qala" nəşriyyat evini təbrik etmək olar məncə. 
İnşallah bir gün bütün nəşriyyat evləri səhvləri ilə oxucuları yormayan, keyfiyyətli kitablar çap edərlər!
İstəyənlər Kitabı burdan sifariş edə bilər. 

P.S: Bəyənərək oxuduğum kitab olmuşdu. Amma yenə də 5 verməyə ürəyim gəlmir)