5/28/2013

Patrik Züskind - Ətriyyatçı

Salam, dostlar. Bugün sizə darıxa-darıxa oxuduğum, aldığıma peşman olduğum “Ətriyyatçı” romanı haqqında yazmaq istəyirəm. Romanın müəllifi isveçrəli Patrik Züskinddir.
Düzü Patrik Züskindi bir az Teymur Əmraha oxşadıram bu şəkildə =))) Belə yazıçının özü qəribə adamdır, internetdə haqqında ətraflı məlumat, şəkillərin tapmaq da çətindir. Mediadan hər zaman gizlənən, tez-tez yaşadığı ölkəni dəyişən biridir.

Kitabın baş qəhrəmanı 17 iyul 1738-ci ildə Fransada, krallığın ən üfunətli yerində dünyaya gələn Jan-Batist Qrenuydur. Onu digər insanlardan fərqləndirən cəhət güclü iybilmə qabiliyyəti və özünün heç bir iyə sahib olmamasıdır.
Kitabın adı gələndə hər kəs bu kitabda bir qatilin qızları öldürərək onların ətirlərindən istifadə etdiyini, beləliklə mükəmməl bir yeni ətir əldə etdiyini söyləyir. Bəli, kitab doğrudan da bu haqqdadır. Amma bir maraqsız, bir sıxıcı kitabdır ki, nəs siz sorun nə mən söyləyim. 


Kitabın üz qabığının isə romana heç bir aidiyyatı yoxdur. İnsanları öldürən qatil hara, ədəbsiz şəkildə çəkilmiş qadın şəkli hara…  Görəsən “Qanun” nəşriyyatının işçilər bu şəkli tapmaq üçün çoxmu əziyyət çəkib?!
Bilmirəm bəlkə də bu üz qabığındakı əcaib şəkil məni kitabdan bu qədər soyutdu.. Nə kitabı insan içinə çıxartmaq olur, nədəki evdəkilərin yanında oxumaq. Ona görə heç bloguma da o şəkli yerləşdirməyi uyğun görmədim.
 Kitabın üzünə baxan nə bilsin onun içərisində nə yazılıb :P
 Patrik Züskindin özünə bu kitabı versən, elə şəklə baxıb deyər, "mən nə vaxt bu şəklə uyğun kitab yazmışam?!"
Amma kitabı yeni almaq istəyənlərə şad xəbər verim ki, kitabın yeni nəşrində kitabın üz qabıq şəklini də, adını da dəyişiblər. Kitabın adı Parfümer, şəkli isə sağda gördüyünüz kimidir. Elə bilməyin bu şəkil bizim nəşriyyatçılarımızın əl işidir, sadəcə olaraq kitab əsasında çəkilmiş filmin afişasından götürülüb.
Romanın özü də maraqsızdır. Mənə yeni heç bir şey öyrətmədi və ya heçnə ilə təəccübləndirmədi. Ancaq iylərdən söhbət gedir və iyləri bir-birinə qataraq yeni ətir əldə etməyə çalışırlar. Səbr edib, dişimi sıxıb 214-cü səhifəyə qədər oxudum ki, bəlkə kitabın maraqlı hissələri axırdadır filan, amma yox, daha çox səbr edə bilməyib kitabı yarımçıq qoydum.
 Bilmirəm bəlkə də mənim zövqümdə kitab deyildi, bəlkə də başqalarının xoşuna gələcək bir romanıydı.  Amma yenə də seçim sizindir. Mən isə kitabını oxumaqdansa filminə baxmağı məsləhət görərdim.
Çünki filmi kitabından daha çox  təriflənir və sevilir. Kitabı sona qədər oxumadığımdan özüm də filminə oturub baxmalıyam ki, görüm sonda o hər şeyin iyin bilən qatilin axrı nolur =))
Bəlkə onda Patrik Züskində, onun “Ətriyyaçı”sına qarşı fikrim dəyişəcək =)
Kitabdan seçmələr:


Allahın verdiyi ağıl hələ ətrafa min il də işıq saçmalıdır ki, ibtidai inamların, mövhumatın son qalıqları qarabasma kimi yoxa çıxsın.
İnsanın bütün bədbəxtlikləri ondan qaynaqlanır ki, günlərin bir günü o, evində sakit otura bilmir, təmkinli olmalıykən durub ağlına gələn oyunları çıxarır. (Paskal)

P.S: Kitabı bərbad tərcüməsinə görə yarımçıq qoymuşdum. Bəlkə də yaxşı kitab idi, təkrar oxuyacam bir daha. Amma hələlik 3 bal verirəm.